任意門

埃Phone 4之歌《變型》(原曲：那誰)

你嫌雪梨布Lum碌柚  與鳳梨石榴特色不夠
完美無缺亦置之不理  獨愛禁果 那傷口

是但求其亂跟在下游  押上身家 決意貪新厭舊
自覺高檔次 話買便到手  商舖只想Tong你 似隻牲口

大大部 o岩o岩好 愈撳愈 有型  全球人 都失聲 齋篤不去傾
觸摸這熱爆炙手新星  似得到加冕 像勳章掛滿在衣領

大大部 埃瘋科 實在係 有型  潮流和騙局懶得去辨正
高舉它自拍  掩嘴笑自覺我好醒
﹙手V晒自覺我好醒﹚

這頑症傳染得誇張  叫萬民像神佛般景仰
換個外殼亦細心選配  像怕著衫 著得娘

捕獲潮流但失去立場  企滿一街 你我他可太像
自降低智慧 自我被放低  指印不可複製 個性的矜貴

難道兩個友伴或愛侶  一坐低靜了開啟WhatsApp當短聚
整理菲斯卜  戀戰Angry Birds  更加的有趣？

大大部 o岩o岩好 愈用愈 有型  全球人 的心聲 剛果都咁興
身體已為佢 作出適應  似得到恩賜 令抑鬱也化做衝勁

袋住部 埃瘋科 自動便 變型  窮人和富戶也舉腳和應
谷起胸自拍 扁嘴又撐大眼睛  紅館、米埔、地鐵或公廁多麼即興
差些忘記 屋企老豆那  變了的姓

埃Phone 4之歌《變型》(原曲：那誰)